雜絮
好耐冇寫blog喇，長話短說:
1. 有一晚貓貓走o左出窗外冷氣機位，嚇死我。我係住18樓o架!
2. HSBC供股，好傷。下個月要交年供保險，傷上加傷。
3. 去拜山，見一個老者喊得好悽涼。
4. 美國國會想立法去抽AIG花紅九成特別稅，痴線的! 雖然AIG班高層窩囊，但原來一國竟然可以咁唔尊重合約精神。
5. 阿Laughing哥真係好紅，但我又唔覺佢做得非常好喎。
6. 最近工作壓力好大，不過樂觀睇，有工作壓力即係重有o野做，其實已經好好。
7. 當年香港政府出資起迪士尼，前港督柏立基批評此「投資」瘋狂。樂園開o左幾年，大家對迪士尼的經營手法及情況有目共睹啦。
8. 坤o左白痴香港政府之後，就飛起你去上海啦。我o地大國要崛起o丫嘛，美國有o既，我o地都要有。白痴中的表表者!
9. 既然都諗住去上海開，你個白痴政府又好似學精o左少少，唔多肯科水建新二期，咁咪乘機炒幾十個人，推埋個責任俾個白痴政府。
10. 買o左隻MG版RX-78-2 2.0，不過唔知幾時先有時間砌好佢。
11. 買o左幾年(o係洪葉買o架!!)張五常舊作The Myth of Social Cost，終於睇完。
12. 其實內容早已經o係AL Economics covers晒，有多冇少。其實經濟學係好有趣，尤其係AL。之後本科，再之後Grad School，反而太專，反而沒趣。
agree with the last point! and there are so many caculation………..
bit
27 Mar 09 at 12:31 pm